جرى ايه كلمات الشاعر عماد بخيت
هاتي يادنيا ..كمان وكمان
بقينا نشوف الناس ... الوان
والله زمان كان فيه احساس
كان فيه ناس عارفه الواجب صح
بنشوف الست واقفه فى قطر
والأفندي قاعد فى بقه لبان
طب لو اختك دي ترضى تخليها واقفه طول السكه على رجليها
طب لو امك ينفع كده .. يا انسان
الواد.. فى الشارع بضحك ويقول ازيك ياااااااااستاذ
كنا زمان نحترم الاستاذ
يعني كنت اقدر اقابله فى شارع
شارع مين ........
كنت اجري فى الشارع التاني
والتاني قاعد قدام ابوه
ويمكن نايم وف ايده محمول بينت ..
لو ايامنا كان الواحد دمه سال
ولا البت بتعلم امها كيف تعيش
جرى ايه ياناس هو الدنيا ماشيه بالمقلوب
البت تعلم امها ..المكتوب
كنا زمان لو قلنا كلمه ..ناخد .. بالمركوب
كنا زمان نخاف ع بنت الجار
لو شفناها بعد المغرب ..
نسألها رايحه فييين ..وجايه منين
رايحه الدكان اجيب شاي لأبوي ودخان
ارجعي البيت عيب اكده
ونروح نجيب الشاى والدخان
ونخبط ع الباب
ابوها يقول مين
اقول انا ياعم جبت الطلبات
يقول تعالى وهات واقعد اشرب شاي
والله ابوك محمد .. ربا... وخلف رجال
شوف اليوم . الواد بعاكس البت .... والبت مبسوطه بتضحك ..ولابسه بنطلون محزززق.. تقول زماااااره
والله ما انا عارف لبسته كيف
بقولوا قماشه بمط زي الأستك
حتى الأستك بقى فى اللبس..ياناس
طب بتقطعوه ليه عايز افهم
فهمني ياعم ..
شيلتونا والله .... الهم
طب والبوكسر ..باين ليه
يعني اجيب مسمار.. وشاكوش
وتاخد ..اتين.. طب وبعدين
انا مش ضد الموضه
انا ضد ..مبااااالغه
كنا زمان ولو بنقلد غيرنا
كنا بناخد....بالبالغه
خلي يواد عندك دم
وشيل مع ابوك الهم
ابوك غلبان طالع عينه
وانت على طول ..هات ..هات
على محمول وعلى لهدوم
وابوك طول الليل مهموم
اسند.. اسند ابوك وخليك راجل شيل معاه الحمل
خف عليه ..وخد بإيديه
شعره شاب .. وانحنى ضهره
وجلد الوش اهو كرمش
والأيام بتودع.. بعضيها
وشويه الرجلين تنحط على بعضيها
ويقول للدنيا ..سلام
والله ساعتها لتبكي بدل الدموع دم
وتقول يارتني شيلت معاك يابوى الهم
مع تحيات
الشاعر
عماد بخيت
Commentaires
Enregistrer un commentaire