شويفة مخطوفة كلمات الشاعر الزجال محمد زرواني
مالك يا لمصايب
ليا جاية تكحزي
ما تقري بطعام
ياك انا مول
العشرة بالنية
مانخبي دغينة
ف قراب
شلا ما صبرت
والصبر دار
ف القلب قشرة
ؤ كثر فيا لعداب
حزت الكية ف النفس
و النفس فيا حارة
ؤ الخاطر عاد مجراب
سري انا لي نستاهل
غادي نية ما نعرف
مشية الدياب
ياك كنتي بكمة
ؤ بعد شفتي الدنيا
أطوال ليك اللسان
تقتي ف كلام
الشوفات ؤ توسدتي
حجاب الكهان
واش بغيتي
فيا تجربي
دوك الطرقان
النية فيك غارقة
شفيتي فيك العديان
وانت المحكن
فيك عاكز
والدرع حليبو
واكح راضعة لغيال
ياك ولفك كان فرد
رجعتو ليك سنة
وشحال بستي الثراب
قلتي لحيوط بيا دايقة
ؤ تشكي بزهرك
قلتي مجراب
سري انا لي نستاهل
درتك همة و شان
ؤ بيك قلت نعمر لمكان
انوصيك راه لعداوة
فانية والزمان غلاب
بقلم الزجال : محمد زرواني
الطيرالحر
Commentaires
Enregistrer un commentaire