حبك علامة ف حياتي كلمات الشاعر السيد علي القن
((( حبك علامه ف حياتي)))
اسمك علامه
ف حياتي
دوبني عشق
ف حروفه
مربوط باسمي
وكياني
اول حروفك
ياأمي
نطقها قلبي
ولساني
فتحت عينيي
عليكي
ولقتني باحضن
ايديكي
وادوب ف نظرة
عنيكي
يا أمي و أعشق
هواكي
اول حروفك
كتبت
ونطقها قلبي
ولساني
اسمك يا أمي
وحياتي
يا نبض قلبي
ماماتي
دمك بيجري
ف وريدي
حب وموده
وحنان
مين غيرك انت
ياأمي
ضحي بحياته
زمان
أمي حبيبتي
وماماتي
انا ملك امرك
حياتي
ومهما اقدم
ياأمي
ذره ف بحر
عطاكي
يانهر م الحب
جاري
ياشمس نورها
دفاكي
ربي أمرني
أطيعك
وانعم يا أمي
برضاكي
بالجنه ربي
حباكي
وشرط الشفاعة
برضاكي
كلمات الشاعر/السيد علي القن
Commentaires
Enregistrer un commentaire