على باب مدينتك كلمات الشاعر عادل عبد الرازق
************
بقلمي / عادل عبد الرازق
******************
على باب مدينتك المقفول
فضلت رايح وراجع
بالفرحة ساعات
وساعات بالدمع والمواجع
أقرّب وابعد وادور
وافكر كتير في الحكاية
متغرّبة عينيه ف عينيكي
متقرّبة وباعدة إيديكي
متحيّرين من كام سنة
وانتي وانا ضجك ومدامع
على باب مدينتك أنا
فضلت رايح وراجع
هل ممكن ادخل واحضنك
ولاّ حخاف من كلمتك
ممكن تكونيلي زمن
وامشي معاكي رحلتك
وممكن تكونيلي السؤال
إجابته تبقى من المحال
متغرّب معاكي ف هواكي
والحلم مغيّم وضايع
على باب مدينتك أنا
لسه رايح وراجع
*************
عادل عبد الرازق
*************
Commentaires
Enregistrer un commentaire